El tritacarne...

Ghe saria anca questa en offerta su ibei... i le vende con l'afarde plasica per cassar dentro la carne nel buso (e la dovaria essere larga en bisogno), 4 imbuti (che poden redalargheli al Tano che lu el sa sicuramente come doperarli... visto che noialtri tolemo l'insacatrice), 4 piastre che va val siè al dodese con le sò lame e la ga na potensa de un caval... ensoma la masena anca i nerveti e se proprio prioprio seve la masena anca i ossi cosìta nongò mia da far la figura de uno che ha partecità al tecsas ciainso massacre per taiar le codege... la cosa dosento e otanta euri... sa disio ?

Cosa ne manca ...

Scusime se cambio n'atimo el discorso... stano l'era el primo ano e quindi seremo un po' empreparè ma l'ano prossimo dovemo atresarne... no se pol mia nacorserse al primo codeghin che la machina che gavemo la fa fadiga a empienir en goldon... figuremose na vesiga... Meno mal che gh'era el Vitorino che n'à presta la sua (anca se dopo l'è vegnù a catarne e el n'à dito su a tuti, sopratuto al Cordio che el seitava a schiopar buei...) se no saresemo ancora li che empienemo buei con le siringhe per far i dolci... mi che son previdente me son emformà e su ibei ho catà questa bellissima machina en aciaio che la tegne oto chili de pasta al colpo... la costa sentoquaranta euri che diviso 5 fa gnanca 30 euri a testa... ocio però che questo l'è el primo dei arnesi che gavemo da tor...

La colasion...

dopo do ore e mesza de laoro el Giani el dise... "vardì che ho messo la legna sul fogo no per scaldarne i coijoni ma per brustolar en po' de panseta per far colasion..."... iera le diese dela matina...
"Ho tolto anca i paneti... tri chili basteli?"...erene en 7... al che Tano (oviamente lù) "me par na bela idea...gò proprio fame..."
Ciapemo la panseta... che el Nico l'à taià szò lasandoghe tri chili de codega (se vede che lù el gà i denti boni...) e tachemo a brustolarla...

Entanto el Tano (che l'era sà stufo da taiar carne) el cominisia a taiar szò paneti...

A que punto mi digo "papà ma ghe deto mia da beer a sti buteloti..." e lù "eh va a torlo delà en cantina...chi el vin nol manca mia..."

Vò en cantina e togo la prima botiglia che me vien en man ghè scrito.. "Ripasso...cantina la Valena"...

Vò delà dove ghera e sandroni che magnava e ghe digo a me papà "ho tolto questo valò ben?"

Me papà el me varda e el ride... "cominsiemo ben stamatina..." e me fradel el contina... "ma si dai en bon vin da sedese gradi ale diese dela matina l'è quel che ghe vol"...

Lo versemo e cominsiemo a distribuiri i goti en giro mi e el Tano... el Nico el se rifiuta disendo che l'è sza costipà e pien come n'ovo e che l'è mejo che nol beva mia... e mi che pensavo..."se te bee questo te se desbuga anca el buso del cul no solo el naso :-)"... comunuque avemo beuo e magnà (anca le fete de fileto iera bone...) e dopo semo tornè al laoro più contenti... non so se lè perchè eremo sponsi o se lìè perchè eremo szà meszi ciuchi... forse la seconda visto che dopo diese minuti el Giacomo l''à dito "ho butei mi gò sza mal de testa" ....

In principio era Daniele...

I butei di "siesai" ià cominisià a laorar sulla vittima ale 7.30 de sabo de matina... la prima cosa che è saltà fora dala autopsia l'era che el porco non el se ciamava mia LINO ma DANIELE...
come se pol veder dala foto, la vittima la s'aveva fato tatuar el nome su na ciapa... se vede che el gavea paura de desmentegarse come el se ciamava....

comune ...scoperto questo l'avventura l'è cominisià...

The Day After

ho deciso de partir dala fine... e quindi de meter online el risultato de una longa giornata de laoro... cominsià par qualcuno ale sete e per qualcun'altro un po' dopo...
Quel che se vede nela foto iè :

31 CODEGHINI

13 CORNETE (Tra cui spicca in primo piano "salamezilla")

e 43 SALAMI(Tra cui spicca quel che spingola sora la me testa... i sarà sinquanta schei boni de buel...)

pecà che nela foto non se possa apressar el grembial del nico... l'era così belo con el grembialeto a fiori... ma questa l'è la prima de tante foto quindi non disperate...